مساجلة شعرية

بين الشاعر الملحمي الدكتور محمد صادق ود. علي حرب.

ليلة الاثنين 2019/05/06

د. صادق

قالوا الدكتور علي : حرب
خفنا وحيدنا من الدرب
بعد الصد وبعد الرد
لقينا الحرب جنينة ورد
***
د. علي
يا أحبابي شوي شوي

 تا أعرف اغطس بالميْ

بشمس الشعر بعزّ الضهر

عمْ فتّش عا نقطة فيْ

***

د. علي

قالوا الدكتور محمّد
شاعر بالصدق معمّد
لما سمعنا أشعاره
سجدنا حدّه نتعبّد

***
وما تنسوا هتاف الشعر
شاب بشِعرِها شَعر الشِعر
لما بتوقف عالمنبر
شلاّل وعم يهدر هدر

***

د. صادق

شمس الضهر لما تنام
بدها لحاف وبدها حرام
وبحر حبك يا دكتور
واسع لكل الانام
***
د. علي

شاعر وما أعلى براجك!
الكلمة بتركع عِ دراجك
سمّعني جرسة شعرك
حتى إسكر عَ اجراسك

***

د. صادق

أوف أوف أوف
يا حرب شفاق علينا
شعرك كتّف إيدينا
قلنا شعر بعزّ الضهر
والشمس اللي فقعت قهر
نامت والباقي علينا
***
حاشية ما قبل النوم
يا حرب شفاق علينا
رصاصك بيي قوافينا
دخلك قوصلك شي ضرب
حتى تروج دواوينا
***
تصبحوا على خير 🙏🌷

د. علي

أوف أوف أوف
يا صادق شعرك فتّان
مدَوزن بأجمل أوزان
عبّي سلال وفضّي سلال
البيدر عَ أمه مليان
صبح وضهر ومسا وليل
مضوي عا قمر نيسان

***

وتصبحوا على ألف خير