السنة الأولى لميلاد الحفيدة الغالية تاليا شيخ الأرض (أريزونا – أميركا)

2021/10/31

من جدّو علي في كندا 

2022/10/31

بعِيدك يا أغلى هدية

مهما بعْدّتِ عليّي

ببعَتْ قلبي قالب كيك

وروحي بلفّها عيديّة

تاليا صار عمرها سنة

انشالله عقبال الميّة

******

لما علينا نورِك طلّ

عبّى الدنيي ورد وفلّ

كلْ ما فتَّحْتِ عيونِكْ

ليلةْ قدْر علينا تهلّ

رحمةْ ربّي عليكِ تضلّ

انشالله عقبال الميّة

*****

يا الله يا حلوين الدار

نفرح ونردح أشعار

ونهنّي تالو بِعِيدها

ونهديها هدايا كتار

ونغنّيلها غنيّة

انشالله عقبال الميّة

*****

بغربتنا أجُوا الأحفاد

يشيلوا عنّا مواجعنا

ربي يحفظهم ويديم

علينا فرحة نعمتنا

ليصيروا فوق الميّة

*****

عالعالم شمس الرضوان

بتضْوي وبتعطينا اعمارْ

وبِنوِّر قمرْ نيسان

حتى الليلْ يصيرْ نهارْ

وعنّا بحمدْ الرحمن

ثلاثْ شموس علينا كبارْ

آية وتالو وسالينا

ومعهم قمرين صغارْ

جادو وعلّوش الجبّارْ

يحميهم الله يا رب

ويكبرّهم عالإيمان

ليصيروا فوق الميّة

**********